DC Mjema awataka Watendaji kutatua kero za Wananchi

    MKUU wa Wilaya ya Ilala , Sophia mjema ameendelea na ziara yake ikiwa ni siku ya pili ya ziara hiyo katika Jimbo la Segerea Kata ya Minazi Mirefu, Kiwalani pamoja na Kata ya Kipawa kikubwa akiwasisitizia watendaji kufanya kazi zao kwa umakini mkubwa badala ya kuwaachia Viongozi wa Wilaya.                                                                                          Ameyasema hayo leo katika Kata ya Kiwalani akisema kwamba viongozi hawafanyi kazi badala yake wamekuwa wakirundika matatizo bila kuya tatua jambo ambalo linawanyima wananchi maendeleo .                                                                                                             Amesema  Viongozi wanatakiwa kuendana na kasi ya Rais Magufuli ya kusikiliza kero za Wananchi na kuzitatua.                                                                                                                "Katika ziara zangu zote nimegundua kwamba Watendaji wa Chini hawafanyi kazi, kero ndogo ndogo hizi zinatakiwa zitatuliwe na wao lakini wanasubiri mpaka nije tubadilike ndugu zangu" Amesema DC Mjema.                                                                                  

Amesema kuwa Serikali ya sasa imejipanga  kutatua kero za Wananchi  lazma tutekeleze ilani mpaka kufikia 2020 mradi yote iwe imekamilika.